أشكرك أخي على ما تبذله من جهود أسال الله رب العرش أن يكون في موازين أعمالك ....

وأن يبشرك ما يسرك أنت وأهلك ووالديك وذريتك ومن أحببته...

بوضح حالي أنا وزوجي وأمي ....

حالي أنا وزوجي .....

متزوجين من سنتين وشهرين ... ولم نرزق بالذريه ...

وزوجي مرررره نفسه في أطفال وحتى أنا ... المهم اللي حصل إننا بدينا بالعلاجات الشعبيه ... وعلاجات

المستشفى وأقل شيء لازم العلاج يستخدم لمدة ثلاث شهور أو أكثر والدكتور قال لنا لازم يحصل

العلاقه كل بعد يوم ...
..........................

حالة أمي
أما أمي طلع عندها سرطان في المخ وسببه العين ....الله يشفيها ...

هي اللحين مثل الاطفال حنا نغسلها ونأكلها ونورشها ولازم واااحده تنبه لها ... وأمي وزنها كبير ...
......
........... حالنا حنا البنات
حنا خمس بنات ثلاث متزوجات ووحده مخطوبه ووحده همرها 16
أنا ساكنه بالرياض ... زوجي شغله ضغط مرررره دوامه حدود 13 إلى 14 ساااعه ما عنده أحد غير أخته وبصرااحه أخته أنانيه ما عمرها قالت لزوجي تبي شيء كلمنا .. وهو ما يقدر يروح المطاعم بسبب زحمة الرياض ولا يقدر يغسل ملابسه لأنه قال لي أنا بالقوه أطلع من الشغل واااصح حدي
وحده من أخواتي ساكنه بالمدينه وهي عندها بنت عمرها خمس سنوات واللحين حامل اللحين في شهر الخامس بعد علاجات دامت سنتين تقريبا يعني حملها غالي وعزيز عليها وهي جابت بنتها الاولى بقيصري
ولي أخت ساكنه في مكه بصراااحه نحيفه ومعاها فقر الدم وهي زوجه ثانيه .. بس زوجها معاه مشاكل مع زوجته الاولى يعني أختي هي اللي تغسل ملابسه وتكويها .... الخ

وأختي الصغيره ما تعرف تهتم بأمي نخاف على أمي لا قدر تطيح أو يصير لها شيء

وأما أختي المخطوبه هي تعاني من ألم في الظهر فترات تجيها هالحاله

وأخواني خمسه

واحد متزوج ... ساكن في مكه وهو عنده رجل مكسوره

واحده خارج مكه لظروف عمله

وثلاثه في مكه ... وجودهم زي عدمهم ... يكفي هالكلام فيهم

والمشكله ....

بعد هالمقدمه ...

أخواتي قالوا لي تعالي مكه ... وأنا ما اقدر أترك زوجي لأنه يحتاجني ,,,, وكما ذكرت سابقا ؟؟
يعني برأيك يا شيخ أترك زوجي واروح مكه والا أجلس ,,, في الرياض الى أنا يشاء الله ...

معليش ما أعرف أوضح أكثر من كذا ...وأعتذر عن الاطاله ..