خير العبادات أدومها وان قل
نصيحة سمعتها قريبآ (منذ سنة تقريبآ) فى خطبة ليوم الجمعة غيرت حياتى كثيرآ . بارك الله فى هذا الخطيب
فمثلآ كنت أكسل دائمآ بعد أى صلاة عن أن أقول "سبحان الله" 33مرة ، ثم "الحمد لله" 33مرة ، ثم "الله أكبر" 33مرة . كنت نادرآ جدآ ما أقولها
ولكنى بعد سماعى لهذه النصيحة بدأت أسبح وأحمد وأكبر 3مرات فقط لا 33مرة وداومت على ذلك القليل حتى الآن دون أى كسل ، لأن العملية بسيطة جدآ ومش ممكن يحصل فيها كسل(هكسل عن ايه ؟! . هو انا عملت حاجة أصلآ ؟ . دا هما كلمتين مخدوش ربع دقيقة)
ومن ساعتها وانا ملتزم بكده والحمد لله
وسرحت الآن مع نفسى لأحسب الحسنات التى ضاعت منى فى العمر الطويل السابق
كم حسنة على كل كلمة من هذه الكلمات ؟ يا عم حتى لو حسنة واحدة على كل كلمة
دول 9 كلمات بعد الصلاة(3+3+3) . فى 5 صلوات يبقو 45
فى 365 يوم يبقو 16425 . فى 40 سنة
يبقو 675 ألف حسنة
(ده
كل ده باعتبار ان كل كلمة عليها حسنة واحدة بس)
فندمت كثيرآ عن هذا الكم الهائل الذى ضاع منى فى عمرى الطويل السابق
ونويت أن أطبق مثل ذلك فى كل أمور العبادات التى أكسل عنها(فأنا من أهل الكسل كثيرآ)
وسأقول لك كيف تطبق ذلك معى
ان كنت تكسل عن قراءة القرآن مثلآ اعمل لنفسك ورد بسيط كل يوم
لن أقول لك اقرأ كل يوم جزء أو حتى ربع أو أيآ مما يقولون . ولكن اقرأ كل يوم صفحة أو ½ صفحة أو أقل
اقرا أى كمية صغيرة ميحصلش فيها أى كسل بعد كام يوم ولا بعد شهر ولا فى أى وقت بعد كده
مهما كانت صغيرة (حتى لو سطرين أو تلاتة) طالما هتستمر عليها فهى أحسن كتير من أى كمية كبيرة هتكسل عنها بعد كده
ولو بتكسل عن الصلاة على النبى مثلآ أيضآ اعمل لنفسك ورد بسيط كل يوم
وبلاش الصيغة الطويلة(صيغة التشهد) لان ده أكيد هتكسل عنها بعد كده(كفاية كلمة"اللهم صل على محمد")
تقولها كل يوم 5مرات مثلآ أو 10 بالكتير
تقولها وانت ماشى فى الطريق وانت رايح أى مشوار (لو كنت وحدك طبعآ)
وهكذا وهكذا وهكذا
وكده هتلاقى نفسك جمعت كمية كبيييرة من الحسنات بدون أى تعب