السلام عليكم ..
اخواني انا راح ابدا بالموقف الي صارلي ممكن بعض الناس يشوفونه تافه والبعض يشوفه
جارح وخصوصا الحساسين مثلي .
كان عندنا زواج خارج المنطقه الي احنا فيها واهلي كلهم سافرو ماعدا انا وسكنو ببيت خالتي وانا قلت راح اجيكم بعد يومين ان شاء الله
المهم سافرت لهم لكن سكنت بشقة انا والوالد واتصلت على الوالدة وقلت لها خالتي ماسألت عني ؟؟ قالت الا سألت وقالت ليه مايجي عندي
المهم قلت للوالدة اوكي انا جاي عندكم قالت طيب ويوم وصلت لبيت خالتي وسلمت عليها وماتكلمنا كثير لانه كان عندها ضيوف وكان وقت عشا
بعد ماخلص العشا جت وجلست معاي وانا كنت ألعب بنتها الصغيرة اشيلها فوق وانزلها فالبنت هذي طلبت مني اني ارفعها فوق عشان تمسك اللمبه
فقالت خالتي " هو مو طويل .. قزم " انا زعلت وتضايقت واعتبرتها اهانة وانتقاص لي فرديت عليها وقلت يعني انتي الي طويله قالت ايوه انت مو طويل
علما ان طولي تقريبا 160 وطولها 150 لكن انا عندني عقدة من هذا الموضوع الي هو موضوع قصر القامة واتحسس جدا لما احد يسخر مني او يعلق
الموضوع تقريبا صار له اكثر من 3 شهور لكن مازلت متحسس منه جدا جدا لاني ماتوقعت انه يطلع منها كلام زي كذا وخصوصا انه عندها ايجابيات كثيرة بتعاملها معي
وفي موقف ثاني صارلي منها لما طلبت من الثوب عشان تكويه المهم انا طلعته لها فقالت " ياحليله !! " قلت لها ايش الي ياحليله ؟؟ قالت انا متعودة اكوي احجام كبيرة
قلت لها ليه زوجك طويل يعني ؟؟ قالت ايه طول وعرض .. طبعا انا مو شايف زوجها بهذاك الطول يعني بس حسيت بنقص من كلامها هذا
وماعرف ليه اعتقدت انه اهانة منها لي او استهزاء او انتقاص مع اني مثل ماقلت لكم ايجابياتها معاي كثير لكن هالموضوع مازال يدور براسي
وخصوصا اني متعقد مسبقا وماحد يعرف غير الي بالبيت يعني هي ضربت على الوتر الحساس .
اخواني هل قصدها تنتقصني وتسخر ؟؟
وماذا افسر تعاملاتها الايجابية معي ؟؟
ارجوكم كيف اتعامل مع مثل هذي المواقف التي اتحسس منها كثيرا وتسبب لي الاحراج والنقص ..