السلام عليكم ورحمة الله وبركاته

عندي مشكلة أتعبتني من أربع سنوات وهي الوسواس

أخاف على أهلي وكل أحبتي أخاف أفقدهم

هذي الحالة صارت فيني بعد وفاة ولد عمي بحادث سيارة،كان صغير الله يرحمه 17سنة.. من بعدها صرت أخاف من الحوادث... وعمي توفئ قبل ثمان شهور الله يرحمه... زاد خوفي بعدها حيل.

إذا اخواني طلعوا من البيت أحيانا أتخيل مشاهد صعبة

حادث ودم بسم الله عليهم الله يحفظهم

أخاف على أبوي إذا سافر أو تأخر

مره كنت ابي اصلي فجأة تخيلت أخوي مسوي حادث

رحت أتصل عليه وأقول يارب يرد يارب يرد

هو كان في الجامعة يعني احتمال عنده محاضرة

قمت أبكي ... شوي ويرسل انا بالمحاضرة وارتحت الحمدلله

وكثييير تجيني هالحالة واتصل ع اخواني كثير واذا ما
ردوا اتخيل اشياء مأساوية تبكي وتعيشني لحظات صعبة.

.. آخرها اليوم مع أخوي طلع المخيم والساعة ثنتين بالليل دق تلفون

لبيت فزعت وجاء ببالي أخوي ان فيه شي وداقين

على تلفون البيت دقيت عليه ع طول ورد الحمدلله

وما ارتحت لين رجع ... وللحيني مرعوبة من صوت

التلفون لما دق لأنه توافق مع المشهد المأساوي اللي

كنت أتخيله ....


الله يجزيكم الجنة عطوني حل مشكورين مأجورين
مابي هالأفكار تسيطر علي