السلام عليكم ورحمة الله وبركاته

انا متزوجة من ثمانية اشهر تقريبا وزوجي يحبني كثير الى حد الغيرة الجنونية والشك الذي يحاصرني به من كل جهه عمري 25 سنه وعمر زوجي 31 سنه
لدرجة انه ولد اخوي سافر وجا جابلي هدية ولد اخوي يمكن عمرة 14 سنه صار يخاصمني ليش يجيب هديه لانه يحبك
لانه مراهق و قاعد يبدا مراهقته عليك كل شي فحياتي شك مسكت جوال امه العب فيه يقولي انت تطالعين صورت اخوي
لان امه حاطه صورت ولدها ع الخلفية انا كنت ماسكته قدام اهله كلهم امه وخواته وهو ماكنت ابدا اقصد شي
يفتش اشيائي و حتى محادثات الوتساب يقراها، هذي اشياء قليلة عن الي يصير فيني خلاصة الموضوع كل اسبوع تقريبا نتخاصم
ويبدا يسبني ويشتمني ويقذفني الى ان تنتهي المشكلة بضربه لي مع العلم اني اجادله بهدوء او اسكت ومو كل مره اقدر امسك نفسي واصبر من الظلم الي يضلمني فيه اصير ابكي وادافع عن نفسي مره وجهي ازرق مره يدي مكسورة مره عيني بغى يعميها
وبعدها طلقني طلقتان ويبداء يبكي ويقول بكره تروحين لغيري وابداء ابكي انا لاني احبه ونرجع لبعض فنفس الوقت او ثاني يوم يجيب لي ورد احمر وابيض يبي يرجع كل شي على مجراه
هو طيب ومحترم لابعد الحدود مع الكل حتى معي وقت الرضا لاكن يعصب بسرعه اي كلمه تختلف معها بالرئي يعصب ويقلبها زعله
انا تعبت واحس اني موتي قريب لاني فعلن ماعاد اتحمل اكثر من كذا ابي حل انه يحترمني ولا يسبني ولا يقذفني ولا يضربني
هل الشي راجع لشخصيتي اني ارضى من لما يرجع يرضيني هل في حل لي مع العلم ان شخصيتي بريئه وطيبه واحب الفرح والضحك وما احب الزعل والمشاكل من يومين ظربني علشان مشكله الغيرة انا الحين اعامله ببرود ولا اقوله كلمه حلوه جاب لي ورد اخذته وحطيته على طاولة الطعام واخذت وحده بيضاء عطيتها ياه مع العلم اني فاليل صرت اصحى اصيح وابكي واصرخ ولا اقدر انام
ابي حل جذري يغير اسلوبي او اسلوبه ماعرف اطلب مساعدتكم يا اخواني و يا اخواتي ارجوكم عاجلا لاني مااعرف ارجع احكي معه عادي ولا ابقى زعلانه ماعرف حتى لمتى

انا بحاجه لكم