السلام عليكم

شكرا لك أخي الفاضل افدتني بنصيحتك لي في مشكلتي السابقة .. الله يجزاك الجنة

بارك الله فيك تقدم لي خاطب وأنا كثير متردده فالموضوع اهلي كلهم تقريبا موافقين وانا رافضه بشده بس بنفس الوقت أخاف يجيني يوم وأندم على رفضي له ،، طبعا فالاخير قراري هو الي بيمشي ،، بس من كثر ما يلحون علي أهلي احس اني شوي وبقولهم موافقه ولما اتذكر اسباب رفضي اتردد واخاف .. راح اذكر الاسباب لاحقا) ،،

المهم من ناحية الرجال أهلي يقولون زين ومن عايله محترمه و.. و.. يعني مالك حق ترفضيه ،، طيب ومن وين يعرفون أنه رجال ما فيه أحسن منه مثل مايقولون ؟!!! انا اقولك والله مايعرفون عنه شي الا من زوجة قريبي بحكم أنها تعرفه أكثر ،، يعني مو بعيده عليها تمدح فيه مدح مايستحقه مثل ما مدحت اخوه لأهلي لما جاء يخطب اختي من قبل وبفضل الله انكشفت خدعتهم لنا (على فكره هو قريبنا بس معرفتنا ببعض محدوده) ،، هذا هو السبب الأول لرفضي ،،

وأما السبب الثاني وهو اكثر شي شاغل بالي انه الي يتقدم لي من يوم يومي أتمناه يكون رجل متدين هذي النقطة وايد تهمني (الله العالم اذا كان هذا الرجل محافظ على صلاته أو لا بس بحكم معرفتي البسيطه جدا فيهم كأسره غير مبالين بامور الدين) وصدقني انا اعرف نفسي زين اذا كان زوج المستقبل ما تهمه صلاته او امور الدين بتعب نفسيا من العيشه معاه وما بقدر اادي واجباتي بالشكل المطلوب ،،

ثالثا أنا من النوع الي ما احب احد يتدخل فخصوصياتي وهذيل الناس اذا ماتدخلوا مصيبه ،، مجتمعهم او بيئتهم مجرد التفكير فيها يؤرقني ،، والحاح اهلي اتعبني !!


فالاخير أتنظر نصيحتك الأكثر عقلانيه
الله يجزاك خير