حياة اليوم ما أبيها :: إهداء للوالدة ::

[خلوها]

يوم الخميس كنت طالع أنا ومعي الأهل واصلين إستراحة قريبة ..

عادتي إذا وديت الأهل .. أسمعهم كل اسبوع شيء جديد ..

ذاك اليوم رحت للتسجيلات واشتريت شريط " مهنديات " .. وكنت انتظره من يوم سمعت دعايته بشريط حورنيات ..

المهم شغلت الشريط .. راحت النشيدة الأولى ..

جت النشيدة الثانية .. " حياة اليوم ما أبيها " ..

انتهت النشيدة .. قالت الوالدة : جزاك الله خير عدها ..

قلت ابشري .. وعدتها ..

انتهت النشيدة ..

قالت الوالدة : الله يجزاك خير عدها بعد ..

قلت : ولا يهمك .. واعيدها ..

انتهت النشيدة ..

عدتها أنا من دون ما تقول لي :D

قعدت تضحك .. قالت كويس عرفت لي :D

طبعا بحكم إني متطفل .. قلت لها .. يا أميمتي .. ليه قلتي لي عيد النشيدة ؟

قالت ..:

" تذكرت أيام يوم كنا بالقصيم .. كنا نرعى .. ونطلع الفجر .. ونمشي حافين .. ونشتغل ..
يا زمن يوم كنا نرعى الغنم ونسمع " لجتهن " ونطاردهن ونحلبهن ...


ايييييييه ..

حياة اليوم ما أبيها .. ولاني يا عرب شفقان .. "


قلت بنفسي .. والله هذي ما بدهاش ..

تستاهل الوالدة من يهديها هالنشيد ..


http://www.islamicaudio.net/~khloha/sound/7yat.ram

رابط الحفظ (http://www.islamicaudio.net/~khloha/sound/7yat.rm)


.*.*.

حياة اليوم ما أبيها ولاني يا عرب شفقان
أنا عاشق حياة البدو والبدوان من ساسي

.*.*.

ياليت أقضي ربيع العمر بين النوق والحيران
مع البدوان أحب أقضي حياتي والفظ انفاسي

.*.*.

وأحب أتبع قطيع الزمل يوم تسرح القطعان
وأحب الثوب يوم يصير يابس من عرق راسي

.*.*.

وأحب أمشي وأحب أمرح وأحب الورد بالريضان
وأحب أذكر زمان راح وقلبي ما بعد ناسي

.*.*.

أحب أمشي ولو حافي وأحب أرقى على الضلعان
وشوف الروض متفتح وبيت الشعر به راسي

.*.*.

وأحب الفجر عند الصبح وأسمع لجة الرعيان
صباح الخير يا دنيا وأنا كفي على فاسي

.*.*.

وأحب الماي بالقلبان إذا حسيت أنا عطشان
وأحب الدلو من ينزل يشوفه ينجلي يأسي

.*.*.

سراج البيت يجريني إذا علق على العمدان
يجيب الساري بليله إذا صار الهواء قاسي

.*.*.

حياة اليوم ما أبيها ولاني يا عرب شفقان
أنا عاشق حياة البدو والبدوان من ساسي

.*.*.


خلوها
.. :) ..

[الحياة كلمة]

حــياة اليـوم ما أبيها و لأني يا عرب شفقان *** أنا عاشق حياة البدو و البدوان من ساسي ..

فيه أحد يبي حياة اليوم ؟ حياة البدو أزين ..


الله يجزاك خير على هذا الإختيار الأكثر من رائع ... والله يخلي لك أميمتـك و يحفظـهـا من كل شر .. و يرزقـك برهـا ..



سهام الليل ..

[ولد السيح]

ويحفظها...

ترى بالإمكان نشتري لكم خيمة ونحطها بصحراء القصيم وتعيشون مثل أول أنت والوالدة.. :)

وتمشي حافي بعد... :D

[الماسه]

جزاك الله خير اخي الكريم خلوها

اختيار موفق

تحياتي للوالده الله يخليها

[رياض]

حفظ الله لنا أمهاتنا و رزقنا برهن


:) دعاية :)
ولعل في شريط جواب إرضاءا لهن ووفاءا ببعض حقهن

[أم البراء]

السلام عليكم و رحمة الله و بركاته

سبحان الله...أدمعتَ العين أخي...
حفظ الله لك أمك و رزقك برها و جمع بينكما في دار النعيم...آمين!

و أنا أؤيد اقتراح الأخ الفاضل ولد السيح...
ما رأيك بخيمة في الصحراء...؟ :)

و السلام عليكم و رحمة الله و بركاته

[مســك]

ولد السيح :)
خلوها يمدحون بر الجبيل ترى :):)
وخيمتك انت وامك على ولد السيح ,,
ومن عندي كم راس غنم لك ولها :)

[براق التميّز]

مشكور ياغالي

والمبدع مايجي منه إلا الابداع