ابد لاتحزني يمه ..

[عطر الخليج]

ابد لاتحزني يمه إذا خانتني رجليني

واذا كل شكى همه وأنا همي بقى فيني

وإذا خنجر صداقتهن غرس حده وسط قلبي

وإذا عكازتي خافت من انها تسند ايديني

ولا تبكين يا يمه إذا عمري غدى دفتر

كل يمزع أوراقه ولا ظنه يكفيني

ابد لايجزع إحساسك لاشفتي البعض يجرحني

وإذا ضاع الوفا فيهن وضاعت سنيني

على ضيم الجفا أبقى تنازع روحي ألحسره

وأحس الظلم يايمه يقطع من شراييني

بسيطه كل ألم جسمي تحملته وأنا أضحك لك

لكن الخوف يايمه من احساس سكن فيني

ياحيف الطيب بالدنيا يضيع وينتهي عمره

يموت الطيب يايمه وأنا فقري يبكيني

شيهم إن خانت الدنيا اذا أرجع لك مثل أول

أحط راسي على صدرك وأعرفك ماتخونيني
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,
منقـــــــــول