المساعد الشخصي الرقمي

مشاهدة النسخة كاملة : نداء لكل الاخوة



islam2004
04-22-04, 04:12 AM
السلام عليكم أهل المنتدى المبارك ورحمة الله وبركاته
هذه اول مشاركاتى فى هذا القسم ولكن هى فى الحقيقة طلب من الاخوة
فى جميع العالم الاسلامى بالمشاركة فى الدعوة هنا فى مصر
كتير منا فى بداية التزامه كان يعتمد اعتماد كلى على
الرسائل والكتيبات الصغيرة والملصقات الدعوية وبعد كدة بدأنا نطلب العلم
فالتزمنا بمناهج المشايخ والكتب الكبيرة وطبعا الواحد مايقدرش يفرط فى
الحاجات دى ابدا خصوصا انها لاتكاد تخلو من بعض التعليقات والخطوط العريضة
التى تعبر بدورها عن ذكريات خاصة فى طريق الواحد منا فى طلبه للعلم
ولكن الكتيبات الصغيرة والرسائل والحاجات اللى شبهها زى الشرايط والملصقات
بتبقى مركونة لان الواحد قراها مرات ومرات (أنا عارف ان البعض بيحب يحتفظ بحاجات منها
أنا واحد من الناس دى)لكن ممكن نساعد بعض -هنا الاخوة فى مصر وخصوصا الاسكندرية عاملين دعوة جامدة
لكن ناقصها الامكانيات لان طبعا كلنا لسة طلبة وبندرس فى الجامعات فبدأنا اننا نجمع الحاجات القديمة اللى عندنا
(الكتيبات والرسائل)ونوزعها على المساجد عشان الناس تستفيدولكن كالعادة العدد الصغير وقلة الفلوس وقفت الفكرة
فبدأنا نعمل حاجة تانية>فكرة خطيرة<
نجمع شرايط الاغانى من الشباب ونبدل الشريط بشريطين قرآن أو خطب أو درس علم متسجل من ريكوردر
وطبعا اللى كان عنده حاجة (شرايط أغانى)جبها وجمعنا عدد كبير وبدانا نسجل من الكاسيت على الشرايط
بس وصلنا لنفس السد أياه الحاجة خلصت ومافيش فلوس
طيب كا الكلام دة ليه
المطلوب من الاخوة وأخص المنتدى الكريم العامر بأهله أن
1-اللى عنده اى حاجة من الحاجات اللى قلنا عليها (رسائل -كتيبات-مجلدات طبعتها قديمة-حاجات ممكن يساهم بيها معانا
-شرايط أغانى مش عارف يخلص منها بدل ماتترمى فى الزبالة ممكن تكسب منها خير-ملصقات-أفكار للدعوةوياريت تكون من
دماغك مش من موقع نت-وان ماكنش عندك حاجة من دى تقدر تدعو لنا دعوة بظهر الغيببالتوفيق والفلاح) تقدر تبعتها بالبريد
فى شكل صندوق ياريت تكون مجموعة من الاخوة فى صندوق واحد لتوفير ثمن الشحن اللى طبعا أحنا حندفعه
2-اللى عجبته الفكرة يبدأ يطبقها هو ومجموعته ونبقى برده كسبنا ثواب فى الدلالة على الخير
3-ماتستهنش بالكلام دة الطرق دى عملت شغل كتير والتزم منها شباب كتير والحمد لله

طبعا أنا مش حسيب عنوانى البريدى هنا عشان أحب الاخوة يراسلونى على الايميل أو الكتابة فى الموقع
أحب أعرف تعليقاتكم واللى يحب ان نتواصل يراسلنى على
islamelbanna2003@hotmail.com
islamelbanna2003@yahoo.com
أنا اسمى الحقيقى اسلام البنا
واسمى فى التوقيع رجل كل العصور
مصرى -اسكندرانى
والسلام عليكم ورحمة الله وبركته